حوار _سارة جمال
حصلوا على حُب الجميع، تألقوا، و أبدعوا دائمًا
انتشرت فيديوهاتهم على جميع مواقع التواصل الإجتماعي "فيسبوك"و "إنستجرام" و غيرهم،و حصلت على مشاهدات عالية، خفة دم تلقائية احتلت قلوب مُتابعينهم، كوميدية عالية تظهر في فيديوهاتهم دائمًا و تسببت في خطف الأنظار لهم.
هل كان ظهوركم على السوشيال ميديا من قبيل الصُدف أم كان تخطيًط؟
"لا ظهورنا على السوشيال ميديا مكانش صدفة. "
هل السوشيال ميديا أضافت في حياتكم شيئًا
جديدًا ؟
"ضافت كتير الحمد للّه أهمها إننا إتشهرنا، وبقي لينا ناس بيحبونا، وناس بتفرح لما تشوفنا ودي حاجه كبيرة جدآ إنك تكوني سبب في سعادة شخص."
ماذا تفضلون في العمل مجال" السوشيال ميديا" أم مجال" دراستكم"؟
" نفضل السوشيال ميديا لكن يعتبر مجالنا الدراسي ليه علاقه بالسوشيال ميديا، حتي لو بطريقه غير مباشرة."
ما هو مجال" دراستكم"؟
“Business"
كتير من المتابعين يعتقدون إنكم "تؤام" هل هذا صحيح؟
" فعلًا كتير بيفكر إننا تؤام، لكننا في فرق سنة ما بينا" معاذ " ٢٣ سنة،" مازن " ٢٢ سنة."
هل فيديوهاتكم مُقتبسة أم من خيالكم؟
"لا مش مُقتبسة، بتكون مواقف بيننا في البيت حصلت، وبنكتبلها إسكربت و بنصورها بحيث الفكرة تكون ظاهرة."
هل يتعارض حلم السوشيال ميديا و الشهرة مع الدراسة؟
" لا بالعكس متوافقين. "
إذا عرض عليكم التمثيل ستوافقون أم لا؟
" اه، لكن بشروط معينة، و هي إن مفيش أي نية عندنا إننا نعمل حاجه ممكن تغضب ربنا، أو تكون في ميزان سيئاتنا. "
من شجعكم؟
“إحنا اللي شجعنا نفسنا محدش شجعنا، بالعكس قابلنا إحباطات كتير جدآ. "
ما هي نصيحتكم لمن يريد دخول مجال السوشيال ميديا؟
" ميدخلش إلا لما يكون شخص شايف إنه موهوب في حاجه زي دي، وقادر يستحمل اللي هيشوفوا و هيكمل مهما حصل، ولو مش هيعمل حاجه من دول ميدخلش. "